នគរបាលស្រុកសង្កែ ឃាត់ខ្លួនជនសង្ស័យម្នាក់ក្រោយលួចកាត់ខ្សែភ្លើងអ្នកស្រុក

(បាត់ដំបង) កម្លាំងនៃអធិការដ្ឋាននគរបាលស្រុកសង្កែ បានសហការជាមួយកម្លាំងប៉ុស្តិ៍នគរបាលរដ្ឋបាលអូរដំបង១ ចុះធ្វេីការល្បាតនិងឃាត់ខ្លួនជនសង្ស័យម្នាក់ក្រោយធ្វើសកម្មភាពលួចកាត់ខ្សែភ្លើងអ្នកស្រុក។

លោកវរសេនីយ៍ទោ យុត តុងហូ អធិការនគរបាលស្រុកសង្កែ បានអោយដឹងថា កិច្ចប្រតិបត្តិការខាងលើនេះធ្វើឡើងនៅវេលាម៉ោង ០៨និង១០នាទី ថ្ងៃទី៣០ ខែសីហា ឆ្នាំ២០២៣ នៅចំណុចក្រុមទី០២ ភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង។

ជនសង្ស័យត្រូវបានឃាត់ខ្លួនឈ្មោះ វ៉ុង សុភា ភេទប្រុស អាយុ២៩ឆ្នាំ មានទីលំនៅភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំប ង ហើយក្រោយពីឃាត់ខ្លួនជនសង្ស័យខាងលើបានឆ្លើយសារភាពថា ខ្លួនពិតជាបានធ្វើសកម្មភាពលួចយកខ្សែភ្លើង ពិតប្រាកដមែនកាលពីវេលាម៉ោង១៩និង១០នាទី ថ្ងៃទី២៦ ខែសីហា ឆ្នាំ២០២៣ នៅចំណុចផ្ទះទុកចោលមួយកន្លែង ស្ថិតក្នុងក្រុមទី១៣ ភូមិកំពង់ពិល ស្រុកសង្កែ ខេត្តបាត់ដំបង ។

វត្ថុតាងដកហូតរួមមាន៖-សំបកខ្សែភ្លើងចំនួន០១ដុំ -កូនកាំបិតចំនួន០១ -កន្ត្រៃសម្រាប់កាត់ខ្សែភ្លើងពណ៌លឿង ចំនួន០១ និងដង្កាប់ដងពណ៌ខៀវចំនួន០១ បបន្ទាប់មកក្រោយបញ្ចប់ការសាកសួរ ជនសង្ស័យខាងលើកម្លាំងជំនាញបានកសាងសំណុំរឿងបញ្ជូនទៅតាមនីតិវិធីច្បាប់។