រថយន្ត០២គ្រឿងបុកគ្នាពេញទំហឹងនៅផ្លូវហាយវេ បណ្តាលអោយហោះធ្លាក់ស្រែខូចខាតយ៉ាងដំណំ

ខេត្តបាត់ដំបង ! រថយន្ត០២គ្រឿងបុកគ្នាពេញទំហឹងបណ្តាលអោយហោះធ្លាក់ចូលស្រែខូចខាតយ៉ាងដំណំនៅវេលាម៉ោ១១និង០០នាទី ថ្ងៃទី២៧ ខែធ្នូ ឆ្នាំ២០២២ នៅលេីកំណាត់ផ្លូវហាយវេ ស្ថិតក្នុងភូមិក្បាលខ្មោច ឃុំជ្រៃ ស្រុកថ្មគោល ខេត្តបាត់ដំបង។

ប្រភពនៅកន្លែងកើតហេតុបានអោយដឹងថា នៅមុនពេលកើតហេតុគេឃើញរថយន្តតាកូម៉ាពណ៌សមួយគ្រឿងបើកបរដោយបុរសម្នាក់ក្នុងទិសដៅពីត្បូងទៅជេីង គោលបំណងសំដៅទៅអាងកំពីងពួយ ខណៈដែលកំពុងឆ្លងថ្នល់ចំណុចផ្លូវប្រសប់ហៃវេ ក៏ស្រាប់តែមានរថយន្តដឹកទំនិញធុនធំ ពណ៌ស ខៀវ មួយគ្រឿងបេីកបរពីកេីតទៅលិចក្នុងល្បឿនយ៉ាងលឿនជ្រុលទៅបុកគ្នា ពេញទំហឹងបណ្តាលអោយរថយន្តធុនធំរេ៉ចង្គូតទៅបុកឃឿនផ្លូវហោះផ្លោះសួនច្បារចំងាយប្រហែល១០០មែ៉ត្រហេីយក៏ដាច់កង់មុខធ្លាក់ចូលស្រែចំណែឯរថយន្តតាកូម៉ាខ្ទាតចេញពីចំណុចកេីតហេតុប្រហែល៤ម៉ែត្រខូចខាតទាំងពីរគ្រឿងយ៉ាងដំណំ។

ក្រោយពេលកេីតហេតុសមត្ថកិច្ចជំនាញបានចុះមកធ្វេីការវ៉ាស់វែងដោយភាគីទាំងខងខាងចរចារគ្នាមិនត្រូវក៏ប្រគល់អោយមន្ត្រីចរាចរណ៍ស្ទូចយកទៅរក្សាទុកនៅការិយាល័យចរាចរណ៍ផ្លូវគោកដេីម្បីរងចាំដោះស្រាយគ្នាតាមផ្លូវច្បាប់ ។