ផ្ទុះស៊ីទែនប្រេងការ៉ាសាំង យាយ លី បង្កការភ្ញាក់ផ្អើលដល់ពលរដ្ឋ រត់ជាន់ជើងគ្នា

3914

បន្ទាយមានជ័យ ៖ ប្រជាពលរដ្ឋភ័យបះសក់ ពេលលឺសម្លេងផ្ទុះស៊ីទែនប្រេង ការ៉ាសាំងរបស់ យាយ លី ស្ថិតនៅចំណុចទល់ផ្សារអូរអំបិល សង្កាត់អូរអំបិល ក្រុងសិរីសោភ័ណ ខេត្តខេត្តបន្ទាយមានជ័យ កាលពីរសៀលម៉ោង៥ និង៥៥នាទីថ្ងៃទី២២ ខែមីនា ឆ្នាំ២០២០ ។

តាមការរៀបរាប់របស់ម្ចាស់ការ៉ាសាំងខាងលើ បានឲ្យដឹងថា មុនកើតហេតុ កូនប្រសាររបស់ឈ្មោះ ផល្លា និងចៅប្រុសឈ្មោះ ហេង បានបូមប្រេងពីឡានដឹកប្រេងដាក់ក្នុងស៊ីទែនស្ទុបប្រេងក្រោមដែល ពេលកំពុងបូមស្រាប់តែលឺសម្លេងផ្ទុះចេញពីម្ខាងរបងហើយខ្ទាតផ្កាភ្លើង ឆាបក្លាយជាអណ្តាតភ្លើង និងបណ្តាលឲ្យផ្ទុះស៊ីទែនប្រេងក្រោមដីដែលកំពុងបញ្ជូលប្រេង ភ្លាមនោះកូមប្រសាររបស់គាត់ឈ្មោះ ផល្លា បានរត់ទៅបិតក្បាលរ៉ូមីនេប្រេងដើម្បីកុំឲ្យឆាបឆេះកាន់តែខ្លាំង និងប្រើបំពង់ពន្លត់អគ្គីភ័យបាញ់ពន្លត់ រហូតរងរបួសខ្លួនឯងធ្ងន់ធ្ងរ និងរបួសកូនប្រុសរបស់ជនរងគ្រោះម្នាក់ទៀតឈ្មោះ ហេង តែម្តង ។

ក្រោយហេតុការណ៍ កម្លាំងសមត្ថកិច្ច ទាំង៣ប្រភេទបានទៅដល់ទីតាំងកើតហេតុ ដើម្បីអន្តរាគមន៍ជួយសង្គ្រោះ ក្នុងនោះជនរងគ្រោះត្រូវបានកម្លាំងអាវុធហត្ថខេត្តបន្ទាយមានជ័យ ដឹកតាមរថយន្តស៊ឺរ៉ែនទៅសង្គ្រោះនៅមន្ទីរពេទ្យឯកជនមួយក្នុងទីរួមខេត្ត ហើយកម្លាំងនគរបាលខេត្ត និងកម្លាំងសឹករងក្រុងសិរីសោភ័ណ បានជួយអន្តរាគមន៍បាញ់ទឹកពន្លត់ ឲ្យរត់១០០% ។

គួរបញ្ចាក់ថា ករណីភ្ញាក់ផ្អើលដែលបង្កដោយការ៉ាសាំងខាងលើនេះ មិនមែនជាលើកទី១ នោះទេ ដោយកាលពីអំឡុងប៉ុន្មានឆ្នាំមុន ការ៉ាសាំងនេះ ត្រូវបានក្មេងៗ លេងដុតផាវគុបចូលក្នុងកន្លែងស្ទុបប្រេងធ្វើឲ្យក្លាយជាអគ្គីភ័យឆាបឆេះ បង្កការភ្ញាក់ផ្អើលដល់ពលរដ្ឋរត់ជាន់ជើងគ្នាម្តងរួចមកហើយ ៕

ដោយ សម្បត្តិសីហា

ចំណែក