រថយន្ដដឹកឈើផ្ទះចាស់ សង្ស័យបង្កប់ឈើថ្មី ត្រូវសមត្ថកិច្ចចុះបង្ក្រាប មាន​ឈ្មោះ ចែអូន ធ្វើការអន្តរាគមន៍ សម្របសម្រួល

86

ព្រះវិហារ ៖  រថយន្ដវេអង ក្បាលស ទ្រុងខៀវ មួយគ្រឿង ពាក់ស្លាកលេខ ភ្នំពេញ 3A 5671ដឹកឈើផ្ទះចាស់ សង្ស័យ​លួច​បង្កប់ឈើថ្មី ត្រូវបាន កំលាំង អាវុធហត្ថ ស្រុករវៀង និងកំលាំងបរិស្ថានដែនជំរកសត្វព្រៃបឹងពែរ ចុះបង្ក្រាបនៅមុខផ្សារទ្រីភាព កាលពីយប់ថ្ងៃទី៧ ខែកុម្ភ: ឆ្នាំ២០២០ កន្លងមកនេះ ។

ប្រភពពីប្រជាពលរដ្ឋ បានឲ្យដឹងថា រថយន្ដខាងលើបានរៀបឈើផ្ទះចាស់ រួច​បង្កប់ឈើថ្មីយកមកត្រាំទឹក ​ហើយដំដែកគោល លើកឡើង​រថយន្ដតែម្ដង ដោយអះអាងថា ខ្លួនសុំច្បាប់ដឹកឈើផ្ទះចាស់ «របៀបកន្ទេលធំបន្លំដេក»។

ក្នុងករណីនេះដែរ អ្នកព័ត៌មានយើង សម្ភាសន៍ ​តៃកុងរថយន្ដពីបញ្ហាដឹកផ្ទះចាស់​ខាងលើនោះ ស្រាប់តែមានរថយន្ដកូរ៉ូឡាមកចូលខ្លួនបកស្រាយ និងបំភ្លឺថា រថយន្ដខាងលើ មានច្បាប់ត្រឹមត្រូវ ដោយពេលលើកដាក់​មានមេព្រៃចូលរួម​ពិនិត្យផងដែរ ទើបពួកគេដឹកចេញមកបាន។

ក្នុងពេលសម្ភាសន៍នោះផងដែរ ស្រាប់តែ មានទូរស័ព្ទតេមកអ្នកសាព័ត៌មាន​ដោយអះអាងថា ខ្លួនឈ្មោះ ចែអូន ជាម្ចាស់ដេប៉ូឈើនៅជិតផ្លូវបំបែក ព្រះវិហារកំពង់ធំ សូមធ្វើការអន្តរាគមន៍ សម្របសម្រួល តែត្រូវបានក្រុមអ្នកសាព័ត៌មានរាយការណ៍ទៅ លោកឧត្តមសេនីយ៍ត្រីយ៍ កង សៅគុណ មេបញ្ជាកាកងរាជអាវុធហត្ថ ខេត្តវិហារ បានដាក់បទបញ្ជាឲ្យលោកវរ:សេនីត្រីយ៍ ចាប ផាត មេបញ្ជាកាកងរាជអាវុធហត្ថ ស្រុករវៀង ដឹកនាំកំលាំង និងសហការជាមួយកំលាំងបរិស្ថាន ចុះបង្ក្រាប​បាននៅ​វេលាម៉ោង១០ និង៣០នាទីយប់ តែក្រោយពី​កំលាំងបង្ក្រាប ត្រូវបាន ក្រុមឈ្មួញខាងលើ និងតៃកុងរថយន្ដ បានរត់គេចខ្លួនបាត់​តាមរថយន្ដមួយ​គ្រឿង​ទៀត​ដែល​មកអន្ដរាគមន៍​ ហេតុដូច​នេះ ហើយទើបមិនអាចយករថយន្ដ​ទៅ​រក្សាទុកនៅកន្លែងមន្ត្រីជំនាញបាន លុះព្រឹកឡើងថ្ងៃទី៨ ខែកុម្ភ:នេះ ទើបរកជាង និងនាំយកមករក្សាទុក​នៅនាយកដែន​ជំរកសត្វព្រៃបឹងពែរ រងចាំការត្រួតពិនិត្យ។

ក្រោយពីការចុះបង្ក្រាបរួច មតិមហាជន បានដាក់ការសង្ស័យថា បើរថយន្ដមាន​ច្បាប់​ ហើយមេព្រៃចុះត្រួតពិនិត្យរួចហើយ ហេតុអ្វីមិននៅដោះស្រាយ បែជា​នាំគ្នារត់បាតជើងទៅវិញ ? ហើយថៅកែត្រូវ​បានគេស្គាល់ប្ដីឈ្មោះ  យ៉េង ដឹកឈើផ្ទះចាស់ខាងលើត្រូវ​ជា​យ៉ាងមិចនិងចែអូន ? ។

សូមបញ្ជាក់ថា រថយន្តខាងលើនោះ បានដឹកចេញពី ធ្វា​ស្រុកជ័យសែន ដោយ​មានថៅកែ​ជិះរថយន្ដធុនត្រាពណ៌ស ។​សូមរងចាំមើលថា ​ក្រោយពីមន្ត្រីជំនាញ​ត្រួត​ពិនិត្យរួចរាល់ហើយ យើងខ្ញុំនិងផ្សាយជូន​នៅព័ត៌មានលំអិតបន្តទៀត ៕

ដោយ ៖ ០៦៨ ៥៩ ៤០០០

ចំណែក